TANAGANG PISIKAL

Bunga ng lakbay-aral sa Wawa at La Mesa Dam,
mga tula ukol sa mga konsepto sa Pisika,
na hindi maiswasang may masabi ring higit pa.

Ang puwersang ginamit

Ay siya ring babalik.

Binigay na pag-ibig

Siya ring makakamit.

--Julian Paterno 4A09

Ang bolang tumatalbog

Babalik pag nahulog.

Ang taong natalisod

Aakyat kahit pagod.

--Miggi Angangco 4A09

Kung mataas ang lipad

Mas mailis ang bagsak.

Palagi kang mag-ingat

Kung ika'y nangangarap.

--Marcus Napa 4A09

Mahirap na gawain
Kailangang p'wersahin
Ang bagay palipatin
Maabot ang mithiin.

--Alcantara, Constantino, Curley, Nemeno 4M09


Sabi nila, kapag ika'y tinawag dapat kang sumagot.
Kapag ika'y tinulak dapat ay mahulog.Pagkat ang bawat aksyon ay may kalakip na reaksyon
at pati sa anyaya ng buhay ay dapat tumugon.

--Shimamoto, Santos, Vargas, Yumol 4M09


Lulutang at lulutang
baho ng kasalanan.
At hindi magtatagal
Katarunga'y lilitaw.

--Abundo, Bautista, Dayao, Domingo 4M09


Sa tubig lumulutang
bangkang mula sa bayan,
dala'y mga kawayang
ditretsong pagawaan.

--Cellona, Chu, Pareja, Roxas, Sanchez 4M09