AWIT: Payo sa TD kids

Palibhasa'y bata, takot pa sa dilim.
Kinatatakutan anumang harapin.
Huwag kang mangamba, palaging isipin,
kahit na may gabi, may umaga pa rin.

Samuel Santos 4A09

Tingnan yaong ilog at ang lumalangoy.
Isdang gumagalaw, 'di nagpapataboy.
Taliwas sa kanya ang agos at daloy,
nakapapagod man, isda'y tumutuloy.

Julian Cabrera 4A09

Pader na semento'y mistulang harang.
Hindi na makita ang paroroonan.
Kung ito'y giniba, tanaw ang hangganan.
Kung ito'y pinatag, magiging daanan.

Mikhael Llado 4A09

Tulad ng dahon sa hangin ng panahon
o barkong sumakay sa tulak ng alon,
biyaya ng Musa ay h'wag mong itapon;
takbuhin ang landas ng 'yong inspirasyon.

Rodolfo Santiago 4A09

Malalim na dagat, dagat na madilim
ay nakatatakot, maalon, mahangin!
Pero, tumuloy lang sa tubig ng lihim.
'Pag ika'y naligaw, tumingin sa bit'win!

Michael Fua 4A09